Á laugardagskveldið kom ég heim eftir spilakvöld og lagðist ein hérna upp í rúm og fór að horfa á sjónvarpið. Ég var semsagt alein í húsinu því allir sem búa uppi voru í útilegu. Friðgeir var á djamminu og ég gat ekkert sofnað þannig að ég horfði á Bachelorette (sem er held ég það allra sorglegasta og versta af öllu raunveruleikasjónvarpi). Ég lá hérna milli svefns og vöku þegar það er dinglað uppi. Klukkan var um 5 þannig að ég bjóst nú fastlega við að það væri einhver að fara húsavillt. Eftir smá stund kom svo einhver og bankaði hérna niðri og þá var mér nú ekki alveg sama, fór eins og mesti spæjari og gægðist hvort einhver væri fyrir utan. Þar stóð maður sem greinilega hafði verið 24 árum of lengi á djamminu á lífsleiðinni og það sem meira var að hann hafði varla rænu. Hann reyndi að opna hurðina og prufaði eins margt og lífsmörk hans leyfðu til að komast inn. Ég var alveg hreint að kafna úr hræðslu og þorði ekkert að fara fram þannig að ég læsti mig bara inní stofunni. Ljótikallinn gafst svo upp á endanum og ég gat sleppt símanum sem ég ríghélt í til að hringja á löggimann ef þetta myndi eitthvað ganga hjá kallinum. Ég var alveg tilbúin með rosa karate-spark og buffa hann ef það kæmi til þess. Kallinn var örugglega bara að fara húsavillt eða að reyna að finna sér svefnstað því hann var varla með rænu en það er sko ekki neinum rónakalli boðið inn til mín á laugardagskveldi takk!

Nóttin í nótt einkenndist af einstaklega litlum svefni og mikilli ógleði. Í morgun átti ég svo tíma í mæðraskoðun og fór út í bíl tætt og þreytuleg. Ég var að sjálfsögðu á seinustu stundu eins og alltaf og ekkert mátti útaf bregða ef ég ætti að ná tímanum. Þegar ég var komin rétt rúmlega hálfa leið stoppaði löggan mig. Löggimann spurði um ökuskírteini og sagði mér að þetta væri bara reglulegt eftirlit. Ég að sjálfsögðu á seinustu stundu mátti ekki beint vera að þessu. Lögginn skoðaði ökuskírteinið mitt og horfði svo á mig í smá stund og sagði svo: ,,þú ert nú ansi þreytuleg, hefurðu verið að drekka?" Þessu átti ég ekki von á og fór að hlæja, honum var ekki skemmt og sagði mér að ölvunarakstur væri ekkert til að skopast með! Þegar ég svo sagði honum að það væri nú yfirleitt ekki talið hollt að drekka á 8 mánuði meðgöngu áttaði hann sig á ástandi mínu og leyfði mér að halda áfram för minni. Þegar ég kíkti á mig í speglinum áttaði ég mig alveg á því af hverju löggimann spurði, ég var rauð í augunum, tuskuleg og hvítari í framan en Oddskarð er á snjóþungum degi! Ég lít sko greinilega ekki vel út þessa dagana fyrst löggan er farin að stoppa mig og gruna mig um ölvunarakstur á þriðjudagsmorgnum!

Við lögðum aldeilis land undir fót um helgina. Ég gat nú ekki látið mig vanta á Eskifjörð um Sjómannadagshelgina frekar en fyrri daginn! Ég, mamma, Steinunn og amma mættum galvaskar í Kvennahlaupið. Við höfðum það ótrúlega gott og skelltum okkur á ærlegt sjómannadagsball með öllu tilheyrandi! Ég og Steinunn systir vorum þær einu í plássinu sem hættum okkur edrú á ballið en vorum samt með þeim allra hressustu! Menn voru mishressir á dansgólfinu og sumir gjörsamlega fóru hamförum, kúlurassinn kom í leitirnar og eitthvað var um menn af erlendu bergi brotnu sem gjörsamlega slógu í gegn!

Ég hef nú vitað til þess að menn reyni að smigla allskyns ósóma inná böll og þá sérstaklega á austurhorninu en aldrei hefur neinnreynt það sem ég reyndi - ég smiglaði kaffijógúrt inn á ballið tilað lifa brjóstsviðann af!

Það er ekki slæmt að hafa ferðast hringinn í kringum hnöttinn oghringinn í kringum landið á meðgöngunni - þetta er strax orðið ansiveraldarvant barn!

Loksins er ég komin í sumarfrí eftir alveg viðbjóðslega langa prófatörn. Mér hefndist alveg hrikalega fyrir að skrópa lokaprófinu og veiktist að sjálfsögðu fyrir sjúkraprófið. Sem betur fer var þetta bara sólarhringspest og ég komst í prófið, en ástandið var tvísýnt um tíma.

Veðrið er búið að vera alveg yndislegt og til að komast í sumarfílinginn ákvað ég að skella mér út að hlaupa. Ekki veitti af eftir að hafa hlaðið á bumbuna af endalausu pítuáti í allan vetur. Ég ákvað að taka hundinn með til að hafa smá hvatningu en komst fljótlega að því að hann var töluvert verr á sig kominn en ég. Akureyringar máttu því sjá unga dömu á skokkinu með slefandi hund í eftirdragi

Það er ekki nema vika þangaðtil ég fer suður að kíkja á krúttuna mína með bumbuna og ég get ekki beðið! Með í för verða kynfræðslubækur sem ég ætla með í vinnuna hans Bjarna. Þar ætla ég að halda fræðsluerindi handa þeim mönnum sem komu að símtali sem ég fékk um daginn. Erindið var að komast að því með hverju konur pissa! Öllum sem telja sig þurfa á slíkri fræðslu að halda er velkomið að skrá sig hérna á síðunni og ég mun svipta hulunni af leyndardómnum!

Ég er gjörsamlega húkt á kaffijógúrti! Ég hef aldrei haft jafn mikla þörf fyrir eina matartegund á ævinni! Ég borða margar dollur á dag og namminamm hvað þetta er það besta í heimi! Kaffijógúrt (eins ótrúlegt og það hljómar) er það eina sem læknar brjóstsviðann sem er að buga allan daginn þannig að ég hef fundið nýja vídd í lífinu - Kaffijógúrt er málið!
Svona getur meðgangan verið merkileg..

Ég er búin að vera að vinna í íþróttahúsunum á kvöldin upp á síðkastið og er gjörsamlega orðin samdauna Dr.Phil eftir að hafa horft á alltof marga þætti með honum því þessi elska er passlega alltaf það eina sem er í sjónvarpinu á meðan ég er að vinna. Ég tel mig nú í stakk búna til að leysa öll heimsins offituvandamál og sálarkreppur fávísra Bandaríkjamanna. Allt sem þessi maður hefur er greinilega aðeins hærri greindavísitala heldur er meðal Bandaríkjamaður því flest hans ráð eru gjörsamlega ,,commonsens" og allir halda að hann sé guð í manns mynd! Hann notar oft tvöfallda neitun í setningum og snýr þannig á hinn fávísa Bandaríkjamann og fær þannig svarið sem hann vildi fá og fólkið grætur því það skilur ekkert hverju það er í raun að svara. Ég held að ég ætti að fara á fund með honum Dr.Phil vini mínum og sálgreina hann

Mamma júróvisjón-gella er komin heim frá Aþenu eftir að hafa nuddað kjarki í íslenska teymið. Það er náttúrulega ekki hægt að halda júróvisjón án aðal-stjörnunnar! Litli bróðir var nú ekkert lítið sáttur þegar mamma kom heim úr útlandinu með áritaðan disk handa honum frá Silvíu Nótt! Silvía Night stóð sig eins og hetja og ég er ekki frá því að hún sé kandidat fyrir hetjan.tk!

..Ég setti inn nokkrar bumbumyndir!

 Frestunaráráttan náði í fyrsta skipti almennilegu taki á mér í þessari prófatíð og ég tók þá hörmulegu ákvörðun að fresta einu prófi. Þar af leiðandi sit ég ennþá sveitt yfir bókunum núna þegar flestir eru komnir í sumarfrí. Gremjan er mjög mikil og það er á stundum sem þessum sem maður spyr sig til hvers að vera í skóla? Af hverju voru rauðsokkur og femínistar að gera okkur þetta, við höfðum það svo gott að hugsa bara um börnin og elda matinn og kynnast aldrei því böli sem prófkvíði og lærdómsstress er?  
 

Fyrsta prófið er á morgun. Ég og dyggur lærdómsfélagi minn hún Baddý pökkuðum dótinu okkar saman óvenju snemma í kvöld og drifum okkur heim í bólið um þrjú leytið. Það er ennþá dimmt úti og allt, en við erum vanar að skrölta út af bókasafninu í birtingu og ná tæplega einni kríu fyrir próf.  Á leiðinni heim hljóp svartur köttur fyrir bílinn og ég ætla að vona að það hafi engin áhrif á gengið í prófunum, enda er ég búin að vera að keppast við að ná mér í gott karma fyrir þessa prófatíð

Það er kannski ekki skrýtið að mér gangi ekkert að læra undir prófin þegar námstæknin er þannig að hver dagur hefst á því að kveikja á tölvunni og msninu áður en ég lít í bók...bara svona til að gulltryggja að ég verði trufluð jafnt og þétt yfir daginn og hafi afsökun fyrir því að læra ekki undir lokaprófin sem er allt of stutt í  

Í mínum eyrum hljómar "Thesaurus" í Microsoft Word miklu meira eins og risaeðlutegund heldur en samheitaorðabók!

Ég veit ekki hvort ég þurfi að grípa til róttækra aðgerða núna þegar ég hef verið spurð að því tvo daga í röð hvort ég sé á grunnskóla aldri?...Kaupa mér loksins eitthvað krem og hafa það þá hrukkukrem sem veldur hrukkum í stað þess að slétta úr andlitinu

Þetta hef ég reynt að gera við sjálfa mig, þræða sondu í gegnum nefið á mér, ofan í kok og þaðan niður í maga.....missionið var hinsvegar impossible því mér reyndist alveg ómögulegt að kyngja slöngunni og ýta henni niður í maga um leið, eftir að hafa þrætt hana niður í kok. Kannski eins gott að þetta gekk ekki...enda væri nám mitt ekki mikils virði ef fólk gæti gert þessa hluti sjálft

Ég komst að því fyrir nokkru að maður þarf víst að skila inn skattaframtali og að faðir minn hefur alfarið séð um þau mál fyrir mig sem og önnur bókhaldsmál frá fæðingarári mínu 1984. Þetta árið ákvað ég hinsvegar að taka í taumana og undir handleiðslu fyrrum bókhaldara míns skilaði ég inn mínu fyrsta skattaframtali. Vandræðin voru ekki mikil og eftir tæpar 5 mínútur var ég búin að gera grein fyrir hverri einustu krónu sem ég vann mér inn á árinu 2005. Uppúr krafsinu hafði ég rúmar 180.000 krónur sem mér skilst að ÉG fái borgaðar í beinhörðum peningum rétt fyrir verslunarmannahelgina, -ekki slæmt tímakaup fyrir fimm mínútna vinnu. Ég get því ekki sagt annað en að skatturinn sjái um sína og passi uppá að allir fái smá vasapening til að kaupa nesti og brennivín fyrir versló!

4 storf sem eg hef starfad vid um aevina:
Samlokusmurningur hja Jumbo og ymis fiskvinnslustorf
Einnar naetur gaman a Nelly's med uppahalds Andreunni minni
Kynningafulltrui fyrir hina ymsu skola
Vefstjori hja Kopavogsbae

4 myndir sem eg get horft a aftur og aftur:
Notting Hill
City of Angels
Save the last dance
Office Space

4 stadir sem eg hef buid a:
Stodvarfjordur
Eskifjordur
Kopavogur City
Hinir ymsu stadir i Reykjavikinni

4 sjonvarpsthaettir sem eg fila:
Friends fyrst og fremst!
Desperate housewives
One Tree Hill
Eg er ekkert mikid fyrir sjonvarp en Grey's Anatomy stytti mer stundir i ogledinni adur en eg for ut.

4 stadir sm eg hef farid i fri a:
Indland thar sem eg er nuna
Grikkland
Kina
Ungverjaland

4 heimasidur sem eg heimsaeki daglega:
eg er voda litid a netinu herna uti en var von ad fara a:
www.ru.is
 www.studentafelag.is
www.kopavogur.is
+ hinn daglegi bloggruntur

4 uppahalds matartegundir:
aspassupan hans pabba
graenmetissupan sem pabbi og mamma gera svo listilega
kjotsupa nammi namm
bolludagsbollur og jolamatur!

4 stadir sem mig langar ad skoda:
allt sem eg er ad fara ad skoda i yndislegu heimsreisunni minni

4 hlutir sem eg hlakka til:
Thegar litla yndislega krilid mitt kemur i heiminn!
Ad fara til Astraliu og hitta Sigurlaugu og Eythor og krusa med theim um allt
Ad keyra thvert yfir Bandarikin
Ad koma aftur heim og knusa fjolskylduna mina voda mikid

4 bloggarar sem eg aetla ad klukka:
Edda Lara saeta og klara
Steinunn ofurmamma og saeta systir
Eythor i Astraliunni
Aevar ofurhetja og tolvunarfraedibekkjafelagi

Tvilikt knus til allra fra Indlandi!

Þessi var alveg eðal, þriggja daga vinnuhelgi var snarlega umturnað í tvöfalda djammhelgi.

Byrjaði föstudaginn í vísó í Íslandsbanka þar sem veitingarnar voru klárlega af verri endanum (kengúrukjöt?) en félagsskapurinn í hressari kantinum og við Baddý bókstaflega skriðum út úr bankanum í hláturskasti. Við Sísí enduðum hinsvegar á villigötum. Eftir að bjórinn á Kaffi Amor kláraðist tókum við stefnuna á partý í Furulundinum hjá vinum hennar Rebekku. Fundum vissulega partý...en þar kannaðist ekki nokkur maður við Rebekku. Létum það ekki stoppa okkur í því að djamma með þeim og enduðum í góðum dansi á Kaffi Akureyri. Ég hypjaði mig heim fljótlega eftir að hafa sópað dansgólfið með hárinu á mér í einni sveiflunni

Á laugardeginum sýndi ég stuðning við Sylvíu Nótt með alveg skuggalegu magni af glimmeri og bleikum kinnalit í júróvisionpartý hjá Rebbunni. Það vantaði ekki stoltið á þeim bænum þegar hún algjörlega rústaði keppninni. Við Sísí dönsuðum svo af okkur báða fæturna á balli með Jet Black Joe og enduðum (ekki í fyrsta skipti) í eftirpartýi sem stóð óþarflega langt framá morgun og var örugglega nokkrum desíbilum of hávaðasamt fyrir þá sem reyndu að sofa í íbúðinni en gríðarlega skemmtilegt fyrir okkur sem vitum að menn geta sofið í ellinni....

Var vægast sagt léleg að taka myndir, setti nokkrar inná myndasíðuna....